تداولت أخبار خلال الساعات القليلة الماضية تفيد بأن ارتباط الفنان حسام حبيب بالفتاة الأردنية عارضة الأزياء سارة بدأ قبل زواجه بالنجمة شيرين عبدالوهاب. وبالبحث والتدقيق تبي ن أن حسام حبيب كان على علاقة بخطيبته سارة منذ سنوات وجمعت بينهم عدد من الصور فى مناسبات مختلفة.
تذكروا.. بإمكانكم مشاهدة مسلسلات وبرامج رمضان 2025 في موقع فرفش بلس بجودة عالية هنا: مسلسلات رمضان 2025
تابعوا أكثر 10 مسلسلات مشاهدة في 2025 في موقع فرفش بلس هنا: أكثر 10 مسلسلات 2025 مشاهدة
وصرح مصدر أن عارضة الأزياء سارة تحمل صلة قرابة للفنان حسام حبيب وهى تقرب لوالدته وكانت متزوحة من فلسطيني النوعية ولكن انفصلا ولم يوجد ارتباط رسمي بينها وبين حسام حتى الآن
حسام ينشر صورة سارة امس
ونشر الفنان المصري، حسام حبيب، امس السبت، صورة لخطيبته الشابة سارة عبر خاصية "الستوري" على حسابه في إنستغرام. فيما لم يرفق الصورة بأي تعليقات، مكتفياً بأنغام أغنيته "شوفت بعنيا".
صورة سارة التي نشرها حسام حبيب في صفحته الشخصية
حسام حبيب يعترف: خطفت قلبي من النظرة الأولى!
وكان حسام حبيب (45 سنة) قد كشف قبل أيام أنه لم يكن يفكر في الزواج أو الارتباط بعد طلاقه، ولكن"الأمور انقلبت رأساً على عقب عندما التقى بفتاة جميلة خطفت قلبه من النظرة الأولى".
أول لقاء:
كذلك أردف أن اللقاء الأول بينهما كان في إحدى الحفلات الغنائية التي كان يحضرها، وكان يحييها مطرب شهير، حيث كانت تحضر سارة الحفل أيضاً، فتعرفا على بعضهما، ونشأت بينهما صداقة دون التفكير في الارتباط من الأساس، لكن بعد وقت قصير تحولت تلك الصداقة إلى حب متبادل، وقررا بعدها الارتباط بشكل رسمي. وأوضح أن سارة تقيم مع أسرتها بمدينة عمان بالأردن، وقرر أن يسافر خلال الأيام المقبلة ليتقدم لها رسمياً، وبعدها سوف يقيم حفلاً عائلياً لإعلان خطبتهما
حسام حبيب ينفي: الخطوبة لم تتم بعد!
في أول رد له على ما تم تداوله مؤخرًا بشأن خطوبته، زعم الفنان حسام حبيب أنه لم يصل الأمر إلى الخطوبة لغاية الان. وقال: "الموضوع ما وصلش خالص للخطوبة نهائيًا، هما سبقوا الأحداث وخل وا الموضوع يتعق د بدل ما يحصل فيه خير، يعني اللي حصل ده، مش عارف أقولهم إيه بصراحة. وأصلاً الحاجة اللي بيتكلموا عنها عمرها ما وصلت لربع اللي بيتقال، ومش عارف الناس عايزين إيه مني بجد، على طول الناس بتخربلي حياتي".
وتابع: "إن كان في حاجة، هما كده بو ظوها، لأن أهل البنت ليهم عاداتهم وتقاليدهم، وناس محترمين جدًا جدًا، زي ما إحنا زمان كان لينا عاداتنا وتقاليدنا، وكنا بنحترم يعني إيه بنت، مش عارف إيه". وأضاف: "يعني مش عارف الناس بقت بتتكلم في أي حاجة لمجرد التريند وتحقيق المشاهدات بس، وييجوا يقولوا: حسام هو اللي بيدو ر على اللقطة.. فين اللقطة اللي بدو ر عليها؟ إنتو اللي بتدوروا ورايا أهو". وأكمل: "ابعدوا عن حياتي بقى، أنا مش عارف إيه ده! إمتى هتسيبوا الناس في حالها؟ عمرنا ما اتكلمنا عن مين خَطَب ومين اتجوز، ولو حصل، بيتكلموا بعد الأحداث، دلوقتي بيتكلموا عن بنت وليها عائلة كبيرة، وبقى كل همنا التريند والفيديو ده يجيب كام؟".
وأكد الفنان: "أنا مش عايز حد يتكلم عني، ولا الناس كلها تتكلم عني، أنا طلعت مع بسمة وهبة وقلت إن الجمهور بقى آخر همي، عشان أوصل رسالة إني مش عايز تريند، هو في فنان بيقول كده؟ هما وصلوني لكده، وكل شوية يطلعوا يقولوا إن حسام حبيب صر ح، أنا صر حت فين؟ أنا ما قلتش حاجة لحد نهائي! وبعدين بيقولوا إن علاقتي بالبنت دي من سنين! هي أصلاً البنت عندها كام سنة عشان يتقال كده، واللي جاي بقى هيبقى وحش، وهيبقى في قضايا، ولازم كل حاجة يكون ليها حدود، ومش المفروض نتكلم عن أعراض الناس".
واختتم حسام حبيب حديثه بنبرة غاضبة: "أنا هشوف مين اللي كتب الكلام ده على لساني وهحبسه، لأني ما قلتش لأي حد، وأنا هكبر المشكلة، لأن البنت دي بنت ناس كبيرة أوي في الأردن، فهندخل القضايا ونشوف بقى!"
تذكروا.. بإمكانكم مشاهدة مسلسلات وبرامج رمضان 2025 في موقع فرفش بلس بجودة عالية هنا: مسلسلات رمضان 2025
تابعوا أكثر 10 مسلسلات مشاهدة في 2025 في موقع فرفش بلس هنا: أكثر 10 مسلسلات 2025 مشاهدة
تعليقات الزوار | اضف تعليق
