حلت المخرجة المصرية إيناس الدغيدي ضيفة أولى حلقات برنامج "العرافة" والذي تقدمه الإعلامية المصرية بسمة وهبة، وخلال الحلقة دارت بينهما مواجهة احتدمت حول نجاح برنامج "شيخ الحارة" أكثر خلال الموسمين التي قدمتهما إيناس الدغيدي. تذكروا.. بإمكانكم مشاهدة مسلسلات وبرامج رمضان 2025 في موقع فرفش بلس بجودة عالية هنا: مسلسلات رمضان 2025
مواجهة بسمة وهبة وإيناس الدغيدي على "شيخ الحارة"
دارت مواجهة قوية على الهواء بين الإعلامية بسمة وهبة والمخرجة إيناس الدغيدي، وذلك خلال أولى حلقات برنامج "العرافة"، حيث قالت بسمة وهبة لـ إيناس: "مستعدة"، لترد عليها الأخيرة: "دايما مستعدة وعمري ما خوفت من حد قاعد قدامي لإني دائمًا أقوى من اللي قدامي".
مشاجرة على الهواء بين إيناس الدغيدي وبسمة وهبة والسبب شيخ الحارة!
وبدأت بسمة وهبة الحلقة بتوجيه سؤال للمخرجة إيناس الدغيدي، حيث قالت: "إنتي أخدتي ابني، وكان ممكن تطلعيه بفكر مختلف، لكن شيخ الحارة ما نجحش من بعدي"، إلا أن إيناس ردت وبقوة: "شيخ الحارة في السنتين اللي قدمته كان أنجح بكتير من شيخ الحارة بتاع بسمة وهبة حتى لو كان ابنك، واسألى الناس والجمهور".
وتابعت: "أنا لو اتحطيت في حاجة هاعملها كما يجب ولو مكنتش هاعملها مكنتش عمري أخدت البرنامج، انا ماخدتش البرنامج منك والبرنامج كان بتاع القاهرة والناس، ولو كان بتاعك كنتي عملتي قضية"، لترد بسمة وهبة:"جيبتي المعلومة دي مين؟ ولو كان البرنامج بتاعي مكنتيش هتعمليه؟".
وأكملت: " أنتي يا بسمة عاوزة كل حاجة في الحياة؟ أنتي كنتي بتقدمي برنامج في قناة النهار وتقدمي برنامج توك شو يوميا، وانتي اللي تركتي القاهرة والناس ومشيتي". واستطردت ايناس الدغيدي: "و طلب مني صديقي الحميم طارق نور اعمل البرنامج وانا لا يمكن أقوله في يوم من الأيام لأ، وقالهم إني مشهورة بجرأتي وإني عندي فكر وعلشان كده استعان بيا".
إيناس الدغيدي: أنا أكبر من شيخ الحارة
ثم وجهت بسمة وهبة سؤالا لـ إيناس الدغيدي:"طيب ومكملتيش البرنامج ليه لما انتي نجحتي؟" لترد المخرجة:"هقولك ويمكن يزعلك، ده مش نوع برنامجي أنا أؤمن بالحريات ومبعيبش على حد ولا اضايق الناس ولما دخلت ووقفت قصاد الناس ولقيتهم بيحاولوا يخلوني أعايرهم على افعالهم قلت لأ دي مش شخصيتي". وتابعت: "أنا مبخافش من حد، وهنا تدخلت بسمة قائلة: "يعني إيه تجيبي ناس تعَي ِريهم؟"، فردت إيناس: "إنتي بتقعدي تقولي للضيف: أنت اتجوزت وأطلقت، ودا مش أنا خالص".
وقالت إيناس الدغيدي : "ولما دخلت برنامج شيخ الحارة أنا غيرت كل اللى إنتي عملتيه يا بسمة وهبة"، لتعقب بسمة وهبة: "علشان كده البرنامج فشل" لتعقب إيناس الدغيدي: "لا برنامجي نجح إنتي اللى برنامجك العرافة خلال السنوات اللي وقت ما كنت باعرض كان فاشل".
ولفتت ايناس الدغيدي: "أنا مدخلتش أخدت شيخ الحارة وعملته زيك يا بسمة، أنا عملته بشياكة ووقار أكتر، والبراند بتاع محطة القاهرة والناس مش بتاعك، وأنا بعمل البرامج دي ترفيهية بالنسبالي، أنا جالي آراء من ناس مهمة في الفكر وقالولي ده مش لونك وإنتي أكبر من كده، والعالم العربي كله مش بيقولولي أفلامي فين بيقولوا شيخ الحارة فين؟". وأشارت: "وأنتي بتعملي العرافة كنت أكتر منك يا بسمة وهبة في مشاهدات شيخ الحارة لما كنت بقدمه".
تقدم الإعلامية بسمة وهبة برنامج "العرافة" وتستضيف من خلاله نجوم الفن في العالم العربي وتطرح عليهم أسئلة في الفن وفي حياتهم الخاصة. تذكروا.. بإمكانكم مشاهدة مسلسلات وبرامج رمضان 2025 في موقع فرفش بلس بجودة عالية هنا: مسلسلات رمضان 2025
تعليقات الزوار | اضف تعليق
