كشف الفنان حسين فهمي كواليس لقائه مع الرئيس الفرنسي إيمانويل ماكرون. وقال حسين فهمي خلال مداخلة هاتفية ببرنامج "الساعة 6" من تقديم عزة مصطفى إنه حصل على هدية من الرئيس الفرنسي. وحكى حسين فهمي: "اللقاء كان متميز جدا هو راجل لطيف ومتحدث لبق ومتواضع، أنا أول ما قابلته قلت له إذا كنت حضرتك رئيس أنا كمان رئيس مهرجان، قالي أنا مدتي قربت تنتهي فقلت له تعالى اشتغل معانا".
تذكروا.. بإمكانكم مشاهدة مسلسلات وبرامج رمضان 2025 في موقع فرفش بلس بجودة عالية هنا: مسلسلات رمضان 2025
تابعوا أكثر 10 مسلسلات مشاهدة في 2025 في موقع فرفش بلس هنا: أكثر 10 مسلسلات 2025 مشاهدة
وأضاف حسين فهمي: "أنا كنت قاعد جنب وزير الثقافة الفرنسي السابق وعلى شمالي وزيرة الثقافة الفرنسية الحالية والرئيس الفرنسي كان قاعد جنبها على طول، واتكلمت على نشاط بنهتم بيه حاليا وهو ترميم الأفلام المصرية القديمة الأبيض والأسود، وهو كان سعيد بكده وكان معاه قلم وورقة وكتب لأنه ممكن يساعدنا في مسألة ترميم الأفلام".
وتابع حسين فهمي: "الرئيس الفرنسي محب جدا لنجيب محفوظ وقرأ كتب ليه وبيسمع أم كلثوم وبيتكلم على أسمهان". وأكمل حسين فهمي: "وزيرة الثقافة الفرنسية قامت وهو قالي تعالى أقعد جنبي وقلت له إحنا الاتنين رؤساء زي بعض، هو راجل بسيط جدا وهو ماشي ساب القلم بتاعه اللي كان بيكتب بيه وقالي احتفظ بيه كهدية".
تذكروا.. بإمكانكم مشاهدة مسلسلات وبرامج رمضان 2025 في موقع فرفش بلس بجودة عالية هنا: مسلسلات رمضان 2025
تابعوا أكثر 10 مسلسلات مشاهدة في 2025 في موقع فرفش بلس هنا: أكثر 10 مسلسلات 2025 مشاهدة
تعليقات الزوار | اضف تعليق
